Архив событий

Ұлы Отан соғысы Жеңісінің 71-жылдығын тойлау қарсаңында Талдықорған мамандандырылған ауданаралық әкімшілік сотының ұжымы  Талдықорған қаласының тұрғыны еңбек майданына қатысушы Мария Григорьена Солдаткинаның үйіне барып қайтты. 

Сот ұжымы соғыс кезінде еңбек майданында жасаған  ерлігі үшін М.Г. Солдаткинаға алғысын білдіріп, мейрамымен құттықтап, сый-сияпатын ұсынды.  

Өз кезегінде Мария Григорьевна қонақтарға деген шексіз ризашылығын  білдіріп, денсаулық пен қызметте толағай табыс тіледі.

Көксу аудандық сот ұжымы Отан қорғаушылар және Ұлы Отан соғысындағы Жеңістің 71 жылдығын мерекелеу қарсаңында ҰОС ардагерлерін  құттықтады.

Бүгін, сот төрағасы Қ.М.Иманханов, судья Г.Садабаева сот мамандарымен бірге, фашизмді жеңуге үлес қосқан Көксу ауданы Балпық би  ауылының соғыс ардагері 93 жастағы Кулик Александр Григорьевич  кездесіп, ол кісіге алғыс білдіріп, құрмет көрсетіп, естелік сыйлықтарын  табыс етті.

9 мамыр Ұлы Отан Соғысы  Жеңісінің 71- жылдығы қарсаңында Райымбек ауданының № 2 аудандық сотының төрағасы Д.А.Дошкеев, судья Т.Б.Сексенбаев және кеңсе меңгеруші Б.К.Чулаков сот ұжымының атынан Ұлы Отан Соғысының ардагері Мусаев Чогамбаймен кездесу өткізді. Соғыс ардагері  соғыс кезеңіндегі ауыртпашылықты иығымен көтеріп,  соғыстан кейіңгі күйзеліске төзе білгендігіне терең ризашылығын білдіріп, соғыстан кейінгі бар өмірін ұрпақ тәрбиелеумен өткізген, 40 жылдай Б.Соқпақбаев атындағы орта мектепте директор болып қызмет атқарған.

7 – мамыр - Отан  қорғаушылар және 9-мамыр Женіс күні мейрамдары қарсанында Қаратал аудандық сот төрағасы Ж.С. Арыстанбеков ұжымның атынан  Үштөбе қаласының тұрғыны Ұлы  Отан соғысының ардагері Василий Акимович Петровты Ұлы Жеңіс мерекесімен құттықтады. Соғыстың ауыртпалығын көтерген, өзінің өмірін өз отанына қызмет етуге арнаған, келешек ұрпаққа  тәуелсіз мемлекетті қалдырған ардагерге зор денсаулық, ұзақ ғұмыр тіледі. Осы кездесуден естелік ретінде Ж.С. Арыстанбеков ардагерге сыйлық беріп, алғысын  айтты.

Алматы облысының мамандандырылған ауданаралық сот қылмыстық істерге байланысты туындайтын мәселелер, белгілі бір лауазымды атқару немесе белгілі бір қызметпен айналысу құқығынан, оның ішінде арнаулы атағынан айыру түріндегі қосымша жаза ретінде мүлікті тәркілеу жазасын қолданумәселесін қозғады.

Талдықорған мамандандырылған ауданаралық әкімшілік соттың төрағасы Н.Е.Қарабаев Талдықорған қаласы бойынша Мемлекеттік Кірістер басқармасына қателесіп төленген қаржыны кері қайтарудың жолдары бойынша сұрақтармен Талдықорған қаласының азаматтары   А.Г.Юн және Ж.Т.Койчуманов қабылдауда болды.

Сот төрағасы тарапынан қойылған әрбір сұраққа заң тұрғысынан жан-жақты жауаптар беріліп және жекелеген сұрақтар бойынша заңгерлік кеңестерге жүгінуге кеңес берілді.

Өткізілген іс-шараның қорытындысы бойынша келген азаматтар сот тарапына  заңгерлік  көмек  көрсеткені үшін алғыс білдірді.

ПҚапшағай қалалық сот төрағасы Ж.А. Батыров және судья М.Т. Әмірқұлов  Ұлы Отан соғысының ардагері «Ұлы Отан соғысы ордені», Қапшағай қаласының құрметті азаматы және еңбек ардагері, «Жапонияны жеңгені үшін» медалі сонымен қатар басқа да көптеген медальдардың иегері - Максимов Александр Дмитриевичте  қонақта болып,   мерекесімен құттықтады.              

Сот төрағасы сот қоғамдастығының атынан ардагерді Жеңіс күнімен құттықтап, азық-түлік себетін тапсырды.                                                                

Текелі қалалық сотының төрағасы Е.Қасымбеков, судьялар және сот қызметкерлері Ұлы Отан Соғысының тыл еңбекшісі, сот жүйесінің ардагері 1935 жылы дүниеге келген - Елена Матвеевна Пономаренконы келе жатқан Жеңіс күні мерекесімен құттықтады.

Елена Матвеевна Текелі қалалық сотында 30 жылдан астам уақыт жұмыс істеді. Өзінің еңбек жолын сот хатшысы ретінде бастап, аға сот орындаушысына дейін көтеріліп, зейнетке шыққан.